سورة الضحى

Sindhi

سورة الضحى - عدد الآيات 11

وَٱلضُّحَىٰ ﴿١﴾

مٿي آيل ڏينھن جو قسم آھي.

وَٱلَّيْلِ إِذَا سَجَىٰ ﴿٢﴾

۽ رات جو (قسم) آھي، جڏھن ڍَڪي ٿي.

مَا وَدَّعَكَ رَبُّكَ وَمَا قَلَىٰ ﴿٣﴾

ته (اي پيغمبر) تنھنجي پالڻھار توکي نه ڇڏيو ۽ نڪي ناراض ٿيو.

وَلَلْءَاخِرَةُ خَيْرٌۭ لَّكَ مِنَ ٱلْأُولَىٰ ﴿٤﴾

۽ بيشڪ آخرت تولاءِ دنيا کان گھڻو چڱي آھي.

وَلَسَوْفَ يُعْطِيكَ رَبُّكَ فَتَرْضَىٰٓ ﴿٥﴾

۽ تنھنجو پالڻھار سگھوئي توکي (ايترو) ڏيندو جو (تون) خوش ٿيندين.

أَلَمْ يَجِدْكَ يَتِيمًۭا فَـَٔاوَىٰ ﴿٦﴾

توکي يتيم نه ڏٺائين ڇا پوءِ (توکي) جاءِ ڏنائين.

وَوَجَدَكَ ضَآلًّۭا فَهَدَىٰ ﴿٧﴾

۽ توکي ناواقف ڏٺائين پوءِ (شريعت جي) رستي لاتائين.

وَوَجَدَكَ عَآئِلًۭا فَأَغْنَىٰ ﴿٨﴾

۽ توکي مسڪين ڏٺائين پوءِ آسودو ڪيائين.

فَأَمَّا ٱلْيَتِيمَ فَلَا تَقْهَرْ ﴿٩﴾

تنھنڪري يتيم تي تون ڏاڍ نه ڪر.

وَأَمَّا ٱلسَّآئِلَ فَلَا تَنْهَرْ ﴿١٠﴾

۽ سُوالي کي نه جھڻڪ.

وَأَمَّا بِنِعْمَةِ رَبِّكَ فَحَدِّثْ ﴿١١﴾

۽ پنھنجي پالڻھار جي نعمت جو بيان ڪندو رھ.